Millimizə ilk dəfə dəvət alan, lakin dünən baş məşqçi Robert Prosineçkinin qərarı ilə toplanışdan kənarda qalan “Zirə”nin futbolçusu Nurlan Novruzov sportal.az-ın sualllarını cavablandırıb:
– Dünən milli komandadan ayrılmağınla bağlı xəbərlər gəzirdi. Bu nə dərəcədə doğrudur?
– Bu barədə bu gün bildim. Baş məşqçinin qərarından sonra düşərgəni tərk etməli olduq.
– Səbəb olaraq sizə nə bildirildi?
– Millinin heyətində 24 futbolçu qalmalı idi. Buna görə komandadan 4 futbolçu göndərmək lazım gəlirdi. Burda çox danışılası bir şey yoxdur. Meydanda 11 nəfər oynayır. Bu qərara hörmətlə yanaşıram. Çalışacam ki, özümü yaxşı tərəfdən göstərərək növbəti toplanışlarda dəvət alım.
– Bu qərar sənə psixoloji cəhətdən növbəti oyunlarda təsir etməyəcək ki?
– Artıq professional futbolçuyuq. Belə hallar futbolda olur. Buna baxmayaraq millimizə uğurlar arzulayıb, hər şeyi unudub bu gündən klubumda məşqlərimi davam etdirməliyəm. Qarşıda “Sumqayıt”la çətin oyunumuz var. Bu oyun bizim üçün çox vacibdi.
– Prosineçki ilə söhbətin oldumu? Oldusa, söhbətində nələr bildirdi sənə?
– Baş məşqçiylə söhbətimiz çox olmadı. Qısa söhbətində, həvəsdən düşməməliyk və qarşıdakı toplanışlarda yenidən bizimlə görüşmək istədiyini bildirdi. Onun bizdən istədiyi klublarımızda yaxşı oyun göstərməyimizdi.
– Bu 5 günlük toplanış barədə nə deyə bilərsən?
– İlk dəfə idi əsas millinin toplanışına çağırılmışdım. Heç də pis keçmədi. Prosineçkinin sevdiyi, komanda topla daha çox ötürmə etməsi və topun bizdə qalmasıdı. İnanıram ki, bu istəyi tez bir zamanda həyata keçirəcəyik.
