Nurlan İbrahimovla bağlı qərarın tarixi yenə dəyişdi
06.09.2022 , 13:23
İdman Arbitraj Məhkəməsi (CAS) “Qarabağ”ı sabiq mətbuat katibi Nurlan İbrahimovun UEFA-dan şikayəti ilə bağlı qərarını yenidən təxirə salıb.
Korner.az xəbər verir ki, bu barədə İbrahimovun vəkili Fərid Haqverdiyev sosial şəbəkə hesabında yazıb.
O, CAS-ın qərar tarixi üçün 13 oktyabrı müəyyənləşdirdiyini qeyd edib.
44 günlük Vətən müharibəsi zamanı feysbuk səhifəsində ermənilərlə bağlı paylaşımına görə UEFA Nurlan İbrahimovu futboldan ömürlük uzaqlaşdırıb. “Qarabağ” isə 100 000 avro cərimələnib. İbrahimov yanvarın 19-da klubdan ayrıldığını açıqlayıb. İdman Arbitraj Məhkəməsi (CAS) onun şikayəti ilə bağlı qərarı 2021-ci il dekabrın 22-də açıqlamalı idi. Lakin bu tarix artıq neçənci dəfədir, dəyişdirilir.
