Türkiyə millisinin futbolçusu Nuri Şahin yenidən doğma klubu, Dortmund "Borussiya"sına qayıdıb.
Korner.az-ın məlumatına görə, 2011-ci ildə Dortmund klubundan Madrid "Real"ına transfer olunan Nuri "kral" klubunun əsas heyətinə düşməkdə çətinlik çəkincə İngiltərə "Liverpul"una icarəyə verilmişdi.
İngiltərədə də işləri yaxşı getməyən Nuri Şahin onu məşhurlaşdıran "Borussiya"ya keçdi. Dortmund klubu ilə 2 illik müqaviləyə imza atan yarımmüdafiəçi sevincini gizlətməyib:
“Yenidən evimdə olduğum üçün çox xoşbəxtəm. Həm “Real”da, həm də “Liverpul”da ehtiyatda qaldığım üçün məyus olurdum. Artıq futbol oynamaq istəyirəm. İkinci dövrədə yeni komandamın formasını geyinib, Nurinin necə bir futbolçu olduğunu sizlərə göstərəcəyəm”.
