Türkiyənin Bolu şəhərində hazırlıqlarını davam etdirən “Neftçi” klubunun prezidenti Sadıq Sadıqovun rəhbərliyi ilə məşqçilər korpusunun və klubun idarə heyətinin toplantısı keçirilib.
Korner.az-ın klubun rəsmi saytına istinadən verdiyi məlumata görə, toplantıda növbəti mövsümdə “Neftçi”nin kapitanının kim olacağı müzakirə olunub.
Müzakirələrdən sonra Flaqmanın əsas futbolçularından biri olan braziliyalı Flavio Aleks Valensio (Flavinyo) komandanın kapitanı seçilib. Vitse-kapitanlar isə Mirhüseyn Seyidov və Elvin Yunuszadə olacaq.