Albaniyanın “Skenderbeu” klubunun futbolçusu Nuredin Orelesi Çempionlar Liqasının III təsnifat mərhələsində “Neftçi”yə 1:0 hesabı ilə qalib gəldikləri oyun haqda danışıb.
Korner.az-ın məlumatına görə, matçın 116-cı dəqiqəsində qələbə topunu vuran nigeriyalı legioner çempionluğa layiq olduqlarını bir daha sübut etdiklərini bildirib:
“Mən arzumuzun həyata keçməyinə görə Allaha minnətdaram. III təsnifat mərhələsindəyik və bu, bizim üçün xüsusi bir şeydir.
Matçın əvvəlində nəzarəti ələ keçirdik. İkinci hissənin bir az rəqibin təzyiqi ilə üzləşdik, ancaq yenidən özümüzdə güc tapıb, oyunda fərq yaratdıq. Bu, komandamızın keyfiyyətini göstərir. Biz təcrübə hesabına qazandıq ki, bu, Avropada vacib oyunlarda özünü göstərir. Adətən rəqib qırmızı vərəqə alandan sonra təzyiq güclənir və bizə bir az asan idi”.
