I divizionda çıxış edən “Mil-Muğan”da baş məşqçi dəyişikliyi olub.
Korner.az-ın məlumatına görə, Mətləb Məmmədov istefaya göndərilib.
Buna səbəb kimi onun AFFA tərəfindən cəzalandırılması göstərilir. Belə ki, XXI turun “Lokomotiv” – “Mil-Muğan” oyunundan sonra Mətləb Məmmədovla məşqçi Səbuhi Məmmədov hakimləri təhqir etdiyinə və onlara fiziki təsir göstərməyə cəhd etdiyinə görə hər iki məşqçi 10 oyunluq cəzalandırılmış, klubu 2000 manat cərimə olunmuşdu. Baş məşqçinin yoxluğunda “Mil-Muğan”ı meydana Xaliq Mustafayev çıxarırdı.
Artıq komandanın yeni baş məşqçisi də müəyyənləşib. Bundan sonra İmişli təmsilçisinə bir müddət əvvəl “Neftçi”nin baş məşqçi postundan istefaya göndərilən Asim İbrahimov başçılıq edəcək.