“Neftçi” Müşahidə Şurasının avqustun 27-də keçirilmiş iclasında klubun fəaliyyəti ilə bağlı bir sıra məsələlərə baxılıb.
Korner.az-ın xəbərinə görə, bu haqda klubun saytı məlumat yayıb.
İclasda yaxın bir neçə gün ərzində klubun ali idarəetmə orqanı olan “Neftçi” PFK səhmdarlarının iştirakı ilə illik toplantının keçirilməsi qərara alınıbr.
Müşahidə Şurasının 27.08.2016-cı il tarixdə keçirilmiş iclasına əsasən klub səhmdarlarının iştirakı ilə keçiriləcək toplantıda aşağıda sadalanan məsələlərlə bağlı müzakirələrin aparılacağı və qərarları qəbul olunacağı gözlənilir.
1. Klubda islahatların davam etdirilməsi
Klubda infrastrukturun yaradılması istiqamətində böyük işlər görülmüş, idarəetmə sistemində islahatlar aparılmış, futbol akademiyası strukturu qurulmuş, maliyyə hesabatlarında şəffaflığa nail olnmuşdur. Bununla yanaşı klubun xərclərinin optimallaşdırılması, eləcə də inzibati heyət və kadr siyasətinə təkrar baxılması ilə bağlı qərar qəbul edilmişdir.
Müşahidə Şurası tərəfindən bu istiqamətdə koordinator olaraq Cəbrayıl Cəbrayılov təyin edilmişdir.
2. Sabit və uzunmüddətli maliyyə sisteminin yaradılması istiqamətində işlərin davam etdirilməsi
Artıq klub tərəfindən 3 milyon ABŞ dolları həcmində olan borcun əsas hissəsi ödənilmişdir. Hazırda futbolçulara verilməli olan son 2 ayın maaşı və keçmiş futbolçulara olan borclar əsas sponsor başda olmaqla digər sponsorların və bank kreditlərinin cəlb edilməsi sayəsində ödənilir. Klubun 1.07.2015-1.07.2016-cı illəri əhatə edən maliyyə audit hesabatı 15.10. 2016-cı il tarixinə kimi ictimaiyyətə təqdim edilməlidir.
Müşahidə Şurası tərəfindən bu istiqamətdə koordinatorlar olaraq Cəbrayıl Cəbrayılov və Zaur Qəhrəmanov təyin edilib.
3. Vəli Qasımovun əsas komandanın baş məşqçisi vəzifəsinin icrasını davam etdirməsi
Vəli Qasımovun qarşısına əsas komandanın premyer liqanı ilk 3-lükdə bitirərək mükafatçılar siyahısına düşməsi və avrokuboklara vəsiqə qazanması vəzifələri qoyulmuşdur və baş məşqi komandanın nəticələrinə görə birbaşa məsuliyyət daşıyır. Bununla yanaşı Müşahidə Şurası komandanın idman nəticələrinə görə birbaşa məsuliyyət daşımır. Müşahidə Şurasının məsuliyyət dairəsinə klubun strategiyası, transfer siyasəti və idman prinsiplərinin təsdiqi daxildir. Həmçinin klubda fəaliyyət göstərən texniki komitənin işinin təkmilləşdirilməsi istiqamətində də işlər görüləcəkdir.
4. İdman strukturundakı islahatlar
Hesab edirik ki, skautinq sisteminin yenidən qurulması və idman strukturunun koordinasiya edilməsinə ehtiyac var.
Müşahidə Şurası tərəfindən bu istiqamətdə koordinator Səməd Qurbanov təyin edilmişdir.
4. İctimaiyyətlə görüş
İctimaiyyətlə və görüşmək istəyən hər kəslə sentyabr ayının sonuna kimi “Bakcell Arena”da görüşlərin təşkil edilməsi.
Müşahidə Şurası tərəfindən bu istiqamətdə koordinator Bəhram Bağırzadə təyin edilmişdir.
5. Tədbirlər planının hazırlanması
“Neftçi” PFK-nın 80 illik yubileyi və 1966-cı ildə qazanılmış “bürünc” nailiyyətin 50 illiyi ilə bağlı tədbirlər planının təsdiq olunması.
Müşahidə Şurası tərəfindən bu istiqamətdə koordinatorlar Mehdi Nəcəfov və Fərhad Bədəlbəyli təyin edilmişdir.
7. Yuxarıda sadalanan məsələlərə rəhbərlik “Neftçi” PFK-nın Müşahidə Şurasının sədri Çingiz Abdullayevə həvalə olunsun.
