“Neftçi” rəsmisi: “Tarix yazmaq üçün əlimizdə gözəl şans var”

"Azərbaycan futbolu üçün tarixi nəticənin astanasındayıq. Tarix yazmaq üçün əlimizdə gözəl şans var. Futbolçularımız da bunun məsuliyyətini yaxşı anlayırlar. Komandamızın düşərgəsindəki ab-havaya da söz ola bilməz".

Korner.az-ın məlumatına görə, bu sözləri "Neftçi"-nin direktoru Güloğlan Cabbarov "Hapoel"lə oyun öncəsi klubun rəsmi saytına bildirib.

Klub rəsmisi İsrailə yalnız qələbə üçün gedəcəklərini bildirdi: "Düzdü, İsrail təmsiliçilərinə qarşı komandalarımızın oyunu həmişə çətin olub. Buna baxmayaraq, "Neftçi" "Hapoel" Kiryat-Şmona ilə oyuna tam hazırdır. Əminliklə deyirəm ki, "Neftçi" İsrailə yalnız qələbə qazanmaq üçün gedir. Hər iki oyunda qalib gəlib, tarix yazacağımıza inanıram"