“Neftçi” hazırlığı başa vurdu
22.10.2021 , 19:13
“Neftçi” Premyer Liqada ikinci dövrənin ilk oyununa hazırlığı başa vurub.
Korner.az xəbər verir ki, birgünlük fasilədən sonra oktyabrın 20-də hazırlığı bərpa edən komanda bu gün “Türk Hava Yolları Futbol Mərkəzi”ndə son məşqə çıxıb. Zədəli Xorxe Korreadan başqa bütün futbolçuların iştirak etdiyi hazırlıq prosesində əsasən toplu və taktiki çalışmalar yerinə yetirilib.
“Neftçi” – “Zirə” matçı sabah saat 18:15-də “Bakcell Arena”da keçiriləcək.