Çempionlar Liqasının III təsnifat mərhələsinin püşkatmasına Qazaxıstanın “Şaxtyor” (Karaqandi) klubunun baş məşqçisi Viktor Kumıkov fikirlərini bildirib.
Korner.az-ın məlumatına görə, Viktor Kumıkov "Neftçi"ni Azərbaycanın ən varlı komandası adlandırıb.
"Neftçi" Azərbaycanın ən varlı klubudur. "Skenderbeu" isə Albaniyada ardıcıl 3 mövsüm çempion olub. Bu komandalar bizimlə müqayisədə yetərincə yüksək səviyyədədirlər. BATE də istənilən halda güclüdür. Əgər BATE-ni keçsək, növbəti rəqiblər haqda düşünəcəyik".
Qeyd edək ki, "Şaxtyor" Belarus təmsilçisini keçəcəyi təqdirdə III təsnifat mərhələsində məhz "Neftçi" – "Skenderbeu" cütünün qalibi ilə qarşılaşacaq. İlk oyun 0:1 hesabıyla Qazaxıstan təmsilçisinin xeyrinə başa çatıb.
