Ölkəmizi Avroliqada təmsil edəcək “Neftçi” klubu Türkiyə toplanışını başa vuraraq, vətənə qayıdıb.
Korner.az-ın məlumatına görə, 3 gün istirahət edəcək komanda daha sonra toplanışın əsas mərhələsi üçün Avstriyaya yollanacaq.
Klub burada 4 yoxlama oyunu keçirməyi düşünür ki, bunlardan artıq 3 oyunda rəqiblər məlumdur. “Neftçi” Almaniyanın 3-cü liqa klubu Drezden “Dinamo”su ilə 2 dəfə üz-üzə gələcək. Toplanışda 3-cü oyun Rumıniyanın yüksək liqa klubu “Botoşan”a qarşı keçiriləcək. 4-cü oyun iyulun 9-da gerçəkləşəcək ki, hazırda rəqibin dəqiqləşdirilməsi işi gedir.
