“Mənim istədiyim komanda budur”
12.11.2022 , 21:08
“Oyunun ağır keçəcəyini bilirdik. “Neftçi” iddialı komandadır və heyətində yaxşı futbolçular var. Uduzsaq da, istədiyim oyunu, dinamikanı gördüm. Mənim istədiyim komanda budur. İnanıram ki, bu tempdə davam etsək, qarşıdakı matçlarda daha yaxşı olacağıq”.
Korner.az xəbər verir ki, bu sözləri “Qəbələ”nin baş məşqçisi Elmar Baxşıyev Misli Premyer Liqasının 14-cü turunda səfərdə “Neftçi”yə 0:2 hesabı ilə uduzduqları oyundan sonra keçirilən mətbuat konfransında deyib.
” Biz komandanı yerli və əcnəbilərə bölmürük. İndiki durumda daha çox xeyir verən futbolçulara güvənirik. Çoxsaylı qol imkanları yaratdıq. Amma bu epizodları dəyərləndirə bilmədik. Biz hiss edirik ki, axsamalar son nöqtəni qoymaqla bağlıdır. Bunun üzərində işləyirik. İnanıram ki, onu da düzəldəcəyik. Çempionatın hər görüşü ağırdır. Uğurlu nəticə qazanmaq üçün hər oyuna maksimum köklənmək vacibdir” – deyə o bildirib.
