Bu gün Premyer Liqanın sonuncu 32-ci turuna start verilib. Korner.az-ın məlumatına görə, ilk oyun günündə 3 qarşılaşma baş tutub.
Günün bütün qarşılaşmaları ilk "altılığ" matçları eyni gündə və hamısı eyni vaxtda start götürüb. Çempionluğu iki tur əvvəl rəsmiləşdirən "Neftçi" öz meydanında heç bir iddiası olmayan "Qəbələ"ni qonaq edib. Fatih Kavlakın yetirmələri görüşün son dəqiqələrində gənc futbolçu Amil Yunanovun vurduğu qol sayəsində minimal hesablı qələbə qazanıb.
Günün digər bir matçı "Şəfa"da baş tutdu. "İnter" öz meydanında "Bakı"nı qəbul eydi. "Bankirlər" avrokuboklara vəsiqə qazanmaq üçün paytaxtın eyni adlı klubunu məğlub etmək məcburiyyətində idilərsə, bu işin öhtəsindən layiqincə gələ biliblər. Baçana Sxadadzenin matçdakı qolu yeganə olub və, Kaxaber Sxadadzenin yetirmələri bu nəticə ilə avroliqaya vəsiqəni təmin ediblər.
Günün maraqla gözlənilən qarşılaşması Lənkəran şəhər stadionunda baş tutdu. Burada yerli "Xəzər Lənkəran" "Qarabağ"ı darmadağın etdi. Qurban Qurbanovun yetirmələri cənub təmsilçisini məğlub edib, avroliqaya vəsiqə qazanmaq istəyirdi. Lakin "Xəzər Lənkəran"ın 4:1 hesablı inamlı qələbəsi Ağdam təmsilçisinin Avropa xəyallarını ürəyində qoyub.
11 may (cümə)
Premyer Liqa, 32-ci turun oyunları
17:30. “İnter” – “Bakı” 1-0
“Şəfa” stadionu (canlı "İdman Azərbaycan")
Qol: Baçana Sxadadze (65)
17:30. “Xəzər Lənkəran” – “Qarabağ” 4-1
Lənkəran şəhər stadionu
Qol: Sadio Tounkara (7), Rendal Brenes (22), Eder Bomfim (32, 65), // Rauf Əliyev (70 – pen)
Qırmızı Vərəqə: Elvin Beqiri (70)
17:30. “Neftçi” – “Qəbələ” 0-1
İsmət Qayıbov adına Bakıxanov qəsəbə stadionu (canlı, AzTV)
Qol: Amil Yunanov (85)
12 may (şənbə)
17:30. “Rəvan” – “Sumqayıt”
“Dalğa Arena” stadionu
17:30. “Kəpəz” – “Simurq”
Gəncə şəhər stadionu
17:30. AZAL – “Turan”
“AZAL Arena” stadionu
