"Fabreqas dünyanın ən güclü yarımmüdafiəçilərindən biridi. Onun "Çelsi"də oynaması məni xoşbəxt edir"
Korner.az-ın məlumatına görə, bu sözləri "Çelsi"nin baş məşqçisi Xose Mourinyo dilə gətirib. "Barselona" futbol məktəbində yetişən və London "Arsenal"ında dünya futboluna tanınan Sesk Fabreqas bir neçə həftə öncə gündəmi zəbt edən seçim etmişdi. "Barsa"dan ayrılacağı artıq dəqiqləşən ispan futbolçu Londonun ya "Arsenal", ya da "Çelsi" klubuna gəlməli idi. Son anda Arsen Venqeri Xose Mourinyoya dəyişən Fabreqas: "Çelsi" mənim üçün ən doğru seçimdi", – ifadələrini işlətmişdi.
"Zadəganlar"ın rəsmi saytına açıqlamasında Fabreqasa tərif yağdıran "Mou":
"Fabreqas Premyer Liqa təcrübəsinə malik, dəyərli futbolçudu. Düşünürəm ki, komandaya çox xeyri dəyəcək. İngiltərədə oynadığına görə də legioner sayılmır. Kluba tez uyğunlaşır. Çox keyfiyyətli futbolçudu. Qol vurur, topu gec itirir. Qısacası, bizə lazımlı transferdi", – fikirlərini irəli sürüb.
Xatırladaq ki, Fabreqas 2011-ci ildə "Arsenal" klubundan "Barselona"ya transfer olunmuşdu.