İngiltərə Liqa kubokunun mərkəzi qarşılaşmasında gərgin anlar yaşanıb.
Korner.az-ın ANS PRESS-ə istinadən məlumatına görə, “Çelsi”nin qonağı olan “Liverpul”da futbolçular çətin vəziyyətlə üzləşiblər.
Xüsusilə, Dieqo Koşta və Joze Mourinyonun aqressiv hərəkətləri oyunun gərgin keçməsinə səbəb olub. Stamford Bridgdə baş tutan matçın ilk yarısında “Liverpul”un türk əsilli ulduz futbolçusu Emre Cana qarşı kobudluq edilib. Oyunun 11-ci dəqiqədə Koşta futbolçunun topuğa qəsdən zərbə endirib.
Bundan sonra esəblərini cilovlaya bilməyən türk əsilli futbolçu Dieqo Koştanın üzərinə getməyə çalışıb.
“Liverpul” klubundan isə həmin anda aranı qızışdırmağa və türk əsilli ulduzu təhrik etməyə çalışan Mourinyoya sərt reaksiya gəlib. Emre Can da baş məşqçiyə qarşı öz etirazlarını bildirib.
Qeyd edək ki, gərgin mübarizə şəraitində keçən matçda “Çelsi” 94-cü dəqiqədə İvanoviçin vurduğu qolla hesabda önə keçib və meydançadan qələbə ilə ayrılıb.
