“Çelsi”nin baş məşqçisi Çempionlar Liqasının 1/8 final mərhələsi çərçivəsində bu gecə PSJ-yə ümumi nəticədə uduzmalarının səbəbini açıqlayıb.
Korner.az-ın məlumatına görə, portuqaliyalı çalışdırıcı məğlubiyyətə səbəb kimi komandasının fiziki hazırlığının qaydasında olmamasını göstərənlərə sərt reaksiya verib.
“Fiziki hazırlığımız qaydasındadır. Mən buna əminəm. Əks halda, birinci turdan Premyer Liqada lider olmazdıq. Açıq görünür ki, səbəb fiziki hazırlıqsızlıq deyil. Mən həmişə demişəm ki, əsəb sisteminin möhkəmliyi belə oyunlarda birinci dərəcəli faktordur. Fikrimcə, futbolçularım ilk oyundakı nəticənin verdiyi üstünlüyün gərginliyinə tab gətirmədilər. Halbuki öz oyunlarını oynayıb qarşılaşmadan zövq almalı idilər Künc zərbəsindən buraxdığımız iki qol dediklərimi sübut edir”, – deyə Joze bildirib.