Azərbaycanın 19 yaşılardan ibarət milli komandasının qapıçısı Elməddin Məmmədovun Korner.az saytına müsahibəsi.
–Sabah Avstriyaya yola düşürsüz? Bu yığma ilə getdiyin neçənci toplanışdı?
Bu mənim səkkizinci toplanışımdı. Bundan öncə Sankt – Petersburq, Antalya, Finlandiya, Etsoniya, Moldova, İtaliya və bu gün də Avstriya toplanışında iştirak edəcəm.
–Səni U-19 un əsas qapıçısı saymaq olar?
Əsas heyətdə oynadığım oyunlar da olub. Ancaq son oyunlardakı zəif çıxışıma görə əsas heyətdə oynaya bilmirəm. Lakin bu toplanışda mənə verilən şansdan maksimum istifadə edəcəyimə inanıram.
–AZAL-da əvəzedici heyətdə oynayırsan. Vaqif Sadıqovun səni əsas komandaya götürmək ehtimalı olubmu?
Mən AZAL-ın yetirməsiyəm. Uşaqlıqdan bu klubda oynayıram. Artıq 5 ilə yaxındır ki, AZAL-dayam. Vafiq müəllim AZAL-ın əvəzedicilərinin oyununu izləyir. Məhz “Xəzər Lənkəran”la oyundan sonra əsas komandanın məşqlərinə dəvət etdi məni. Çalışıb məşqlərdə artırıb AZAL-ın əsas komandasına düşəcəm.
-Gələcək karyeranla bağlı konkret planların nələrdi?
Bu il bəzi təkliflər oldu. Ancaq o təkliflərə heç baxmadım. Məni yetişdirən komandada oynamaq istəyirəm. Planlarım AZAL-ın əsas komandasına düşmək və hər bir azərbaycanlı kimi əsas millimizin formasını geyinməkdi.
– Dünya futbolcunda hansı qapıçının oyununu bəyənirsən?
Bəyəndiklərim Petr Çex və Andres İsaksondu.
– Azərbaycanlı qapıçılardan hansının oyunlarını izləyisən və bəyəndiyin varmı?
Dmitri Kramerenkonu ve Cahangir Həsənzadənin oyunlarını bəyənərək izləyirəm.
