Azərbaycan yığmasının və "Sumqayıt" klubunun qapıçısı Səlahət Ağayev Topaz Premyer Liqasının 16-cı turu çərçivəsində "Qəbələ"yə qarşı keçiriləcək oyun öncəsi öz fikirlərini bildirib.
Korner.az-ın məlumatına görə, Şimmali İrlandiya ilə keçirilən DÇ 2014-ün seçmə oyunu zamanı barmağından zəbə alan futbolçu hazırlıqların normal davam etdiyini söyləyib.
"Bu gün komandanın istirahət günüdür. Əsas məqsədimiz "Qəbələ" klubu üzərində qələbə qazanmaqdır. Zədə almağıma baxmayaraq komanda ilə birgə məşq edirəm. Sabah barmağımdakı sarğı açılacaq və yenidən tibbi baxışdan keçəcəyəm. Əgər hər şey qaydasında olsa, "Qəbələ" ilə oyuna çıxacağam. Düzünü desəm, tələsmək lazım deyil. "Sumqayıt" azarkeşləri rahat olsunlar. Məndən əlavə komandada Elçin Sadiqov və Anar Məhərrəmov kimi istedadlı qapıçılar var."