Milli komandamızın hücumçusu Vüqar Əsgərovun şərəfini qoruduğu Latviyanın "Metallurq" klubu ötən gün Avropa Liqasının I təsnifat mərhələsinin cavab matçına çıxıb.
Korner.az-ın məlumatına görə, Vüqarın komandası öz meydanında San Marinonun "La Fiorita" klubu ilə qarşılaşıb.
İlk görüşdə rəqibini 2:0 hesabı ilə məğlub edən "Metallurq" klubu bu dəfə daha böyükhesablı qələbə qazanıb. Rəqibini 4 cavabsız qolla məğlub edən Latviya təmsilçisi növbəti mərhələyə yüksəlib.
Səfərdə keçirilən oyundan fərqli olaraq Vüqar bu görüşdə meydana çıxıb və komandasının sonuncu qoluna imza atıb. Matçın 79-cu dəqiqəsində oyuna daxil olan həmyerlimiz 7 dəqiqə sonra fərqlənib.