21 yaşadək futbolçulardan ibarət Azərbaycan millisi iyunun 9-dək Avstriyanın Zaltsburq şəhərində təlim-məşq toplanışında olacaq.
Yaşar Vahabzadə iyunun 9-dək davam edəcək hazırlıq prosesinə 19 futbolçu çağırıb. Onların arasında ilk dəfə milliyə dəvət alan futbolçu var. Söhbət Onur Albayrakdan gedir.
20 yaşlı futbolçu ilk dəfə siyahıda yer alıb. Hücumçu mövqeyində çıxış edən Onur əvvəllər Danimarkanın 17 yaşadək futbolçulardan ibarət yığmasında keçirdiyi 4 oyunda 1 qol vurub. Forvard Danimarkanın U-18 komandasında da 2 oyun keçirib.
