Madrid “Real”ının müdafiəçisi Serxio Ramos Çempionlar Liqasının finalında qarşılaşacaqları digər Madrid təmsilçisi “Atletiko” ilə oyun haqda fikirlərini bölüşüb.
Korner.az-ın məlumatına görə, UEFA-nın rəsmi saytına danışan ispaniyalı futbolçu bu matçın favoritinin “Atletiko” olduğunu bildirib:
“Çempionlar Liqasının finalını demək olar ki, hər kəs izləyir. 2002-ci ilin finalında Zinəddin Zidanın “Bayer”ə vurduğu o möhtəşəm qolunu unuda bilmirəm. O, hər zaman belə qollar vurmağa qadir futbolçu olub. “Atletiko” cari mövsüm La Liqanı qazandı. Düşünürəm ki, onlar buna layiq idilər. Çempionlar Liqasının finalına qədər əla oyun sərgiləyiblər. Buna görə də matçın favoritinin “Atletiko” olduğunu düşünürəm. Rəqib fiziki cəhətdən çox güclüdür və demək olar ki, səhvsiz oynayır”.