"İspaniya La Liqasındakı rəqabətsizlik səbəbindən bir çox futbolçu oranı tərk edir. Çempionluq üçün iki komanda burada mübarizə aparır. "Barselona" və "Real". La Liqanı üçüncü pillədə bitirən komanda həmin bu iki klubdan 30 xal geri qalır. Rəqabətin olmadığı bir çempionata görə Messi və Ronaldo komandasından ayrıla bilər".
Korner.az-ın məlumatına görə, bu sözləri "Çelsi"nin ispaniyalı futbolçusu Xuan Mata deyib. London klubunun aparıcı simalarından biri olan Mata bu amilin İspaniya futbolunun ziyanına işlədiyini bildirib:
"Bu gün hər şeyə real baxsaq bu komandada oynamırsansa çempion ola bilmərsən. Mənim sabiq klubum "Valensiya" belə çempion ola bilmir. Bu İspaniya futbolu üçün heç də yaxşı bir hal deyil. Digər klubların azarkeşləri bu amildən çox narazıdı".
