Son dünya və Avropa çempionatının qalibi olan “matadorlar”ın startdaca hollandlara 1:5 hesablı məğlubiyyəti İspaniya mətbuatında əsl şok effekti yaratdı. İspanlar bir tərəfdən məğlubiyyətə bəhanə axtarır, digər tərəfdən isə 4 ildən bir keçirilən mötəbər turnirdən “yapışmağa” çalışırlar. İspaniyanın “Marka” qəzeti isə bu günlərdə İspaniyaya inanmaq üçün 10 maddəlik bir siyahı hazırlayıb.
1) Çünki bu komandan daha öncə də geridönüşlər edib. DÇ-2010-da startdaca İsveçrəyə məğlub olan ispanlar daha sonra keçirdiyi 6 oyunun heç birində meydanı başıaşağı tərk etməmişdi. Xatırladım ki, Cənubi Afrikadakı mundialda da “matadorlar” ikinci matçını Çiliyə qarşı keçirmiş, və 2:1 hesablı qələbə qazanmışdı.
2) Çünki “yaralı aslan”dan daha təhlükəli heç nə yoxdur. Komanda Hollandiya fiaskosunun ardından toparlanıb, və bu məğlubiyyətin təsafüf olduğunu sübut etmək üçün “alışıb-yanır”. Oyunçuların ağır yenilgidən bir gün sonra Kuritibada velogəzintiyə çıxması, futbolçuların ağır “psixoloji yükü” üzərlərindən atdığını göstərir.
3) Çünki bu heyət ümumilikdə 277 (!!!) kuboka sahibdir. Təkcə bu il Çempionlar Liqasının qalibi olan Alonso, Kasilyas, və Ramos; La Liqanı qazanan Koke, Xuanfran, və Kosta; Premyer Liqa çempionu olan David Silvanın adını çəkmək kifayətdir.
4) Çünki bu komandada “əvəzolunmaz futbolçu” yoxdur. İspaniya təkcə meydandan oynayan 14 nəfərdən ibarət deyil. Del Boskenin seçim imkanları yetərincə genişdir.
5) Çünki bu komanda bu cür sonluğa layiq deyil. Vilya, Xavi, Xabi Alonso, Kasilyas və digərləri İspaniya milli komandasında əvəzedilmez xidmətləri var. Onlar cümə günü yaşanan qorxu filminə yox, daha təmtəraqlı sona layiqdirlər. (Bir çox futbolçu üçün bu turnir İspaniya milli komandasındakı sonuncu DÇ olacaq).
6) Çünki hazırlıqlar müdhiş idi.
İkinci hissədə sərgilənən bərbad futbolu istisna
etsək, böyük problem yoxdur. Məğlubiyyətə səbəb futbolçuların fiziki yox,
psixoloji yorğunluqları idi.
7) Çünki bu komanda hər zaman irəliyə
getdi. Heç vaxt bu qədər bərbad görüntü verilmədi – İsveçrə və Braziliya məğlubiyyətlərində
belə.
8)
Çünki Braziliyadakı 1950-ci il Dünya Çempionatında da Çili məğlub edildi.
Statistika ispanların tərəfindədir.
9) Çünki Del Boske hər zaman çıxış yolu tapıb.
İspan məşqçi quracağı ən düzgün
taktikanı, verəcəyi ən düzgün qərarı yaxşı bilir.
10)
Çünki Van Qaal alicənab şəxsiyyətdir. Sırf İspaniyanı kubokdan kənarda qoymaq
üçün Çilinin qazanmasına imkan verməz.
P.S. Əslinə qalsa, ilk
baxışdan ispanlarda heç bir problem görünmür. Qalib məşqçi, təcrübəli və dünya
səviyyəli futolçular, hər mövqe üçün ciddi rəqabət. Bunlar hamısı ispanlarda cəmləşib.
Amma artıq “tiki-taka” öz istifadə müddətini başa vurmaqdadır. Çünki bu cür
oyun tərzi sıx müdafiə olunan, və boş sahə verməyən komandalarla görüşdə heç də
yararlı olmur. Bunu hollandlarla görüşün ilk hissəsində görmək olardı. Oyuna 5
müdafiəçi ilə çıxan Van Qaalın
komandasına qarşı heç nə edə bilməyən ispanlar sonradan özləri öz oyunlarından
bezdilər. Yox, bu o demək deyil ki, ispanlar hazırkı taktikanı dəyişməlidir.
Beş gün ərzində taktianı dəyişmək “intihara cəhd”dən başqa bir şey deyil.
Halbuki Boskenin Braziliyaya məğlubiyyətdən sonra bunu etmək üçün 1 il vaxtı
var idi!
P.P.S. Yazı
İspaniya-Çili matçından əvvəl yazılıb.
Ürfan Məmmədzadə
