“Biz rəqibdən daha yaxşı oynayıb, layiq olduğumuz qələbəni qazandıq”.
Korner.az-ın apasport.az-a istinadən məlumatına görə, bu sözləri İsrailin “Makkabi” klubunun baş məşqçisi Ariel Benado deyib.
Hayfa təmsilçisinin baş məşqçisi Avropa Liqasının II təsnifat mərhələsinin “Xəzər Lənkəran”la ilk oyunu haqda fikirlərini açıqlayıb: “Bununla belə, gələn həftə Lənkəranda baş tutacaq oyunda bizim üçün çətin olacaq. 2 top fərqi ilə qalib gəlməyimiz hələ heç nə demək deyil. İndidən kimin mərhələ adlayacağını bilmək olmaz. Komandamda hansısa futbolçunu fərqləndirmək istəməzdim. Çünki biz komanda oyunu göstərdik. Fikrimcə, hesab daha böyük ola bilərdi”.
Qeyd edək ki, “Makkabi” 2:0 hesabı ilə qalib gəlib.