Avropa Liqasının II təsnifat mərhələsinin cavab oyunları çərçivəsində “Xəzər Lənkəran”la qarşılaşacaq “Makkabi” (Hayfa) klubu kapitanı Yaniv Katanla müqaviləni yeniləyib.
Korner.az-ın Hayfa klubunun rəsmi saytına istinadən verdiyi məlumata görə, klubu ilə müqaviləni daha 3 illiyinə uzadan futbolçu “Xəzər Lənkəran”la oyunun vacibliyindən danışıb
“Daha 3 il “Makkabi”nin şərəfini qoruyacağım üçün çox şadam və bununla fəxr edirəm. Demək olar ki, 25 ildir bu komandada çıxış edirəm. 8 yaşından “Makkabi”nin şərəfini qoruyuram və karyeramı elə burada başa vurmaq istəyirəm. Avroliqanın qrupuna düşmək mənim üçün uğur olar. Bu mənada Azərbaycanda “Xəzər Lənkəran”la oyun bizim üçün çox vacibdir”.
Qeyd edək ki, “Xəzər Lənkəran” – “Makkabi” oyunu iyulun 25-də, saat 21:00-da başlayacaq.
