Mahir Şükürov “Neftçi”dən ayrıldı

Paytaxtın “Neftçi” klubu futbolçusu Mahir Şükürovla yolları ayırıb.

Korner.az-ın məlumatına görə bu barədə Qol.Az saytına  klubun vitse-prezidenti Tahir Süleymanov məlumat verib.

Onun sözlərinə görə, müqaviləsi başa çatan müdafiəçi ilə yeni razılaşma əldə olunmayıb.

“Kubokun final oyunundan bu yana Mahir Şükürovla əlaqəmiz yoxdur. Müqaviləsi başa çatdığı üçün Mahir sərbəst futbolçudur, istədiyi kluba keçə bilər” – deyə o qeyd edib.