Azərbaycan yığmasının müdafiəçisi Mahir Şükürov Türkiyənin “Karşıyaka” klubundan FİFA-ya şikayət edə bilər.
Korner.az-ın məlumatına görı, bu barədə Türkiyə mətbuatı məlumat yayıb.
Məlumatda bildirilir ki, müqaviləyə xitam verildiyinə görə, Şükürov İzmir klubundan 40 min dollar tələb edir. Əgər Türkiyə təmsilçisi bu məbləği futbolçumuza ödəməsə, o, dünyanın ali futbol qurumuna müraciət edəcək.
Millimizin heyətinə çağırılan futbolçu klubun düşərgəsinə gec qayıtdığına görə, klub rəhbərliyi onu 7500 dollar cərimə edərək, əvəzedici komandaya göndərmişdi. Amma futbolçu bu qərarı ədalətsiz hesab etdiyindən əvəzedici heyətlə məşqə və oyuna çıxmaqdan imtina etmiş və buna görə də 10 000 dollar cərimələnmişdi.
