Dünyanın məşhur bukmeker kotorları avrokubok matçları üçün əmsalları açıqlayıb.
Korner.az-ın məlumatına görə, ölkəmizi Avropa Liqasında təmsil edəcək "Xəzər Lənkəran", "Qarabağ" və "İnter"ə verilən əmsallar rəqiblərinə nisbətən daha azdı. Yəni Avroliqada çıxış edəcək hər üç klubumuzun qələbə qazanmaq şansı rəqiblərindən daha çoxdu.
Mərcsevərlər üçün hər üç oyuna qəbul olunan pul qoyuluşunu, əmsalları təqdim edirik.
İlk öncə "Metallurq" – "Qarabağ" oyununa verilən əmsallar belədi. Makedoniyada keçiriləcək qarşılaşmada Skopye klubunun qələbəsinə verilən əmsal 3.25-di. Oyunun heç-heçəsinə də eyni əmsal verilib – 3.25. Ağdam klubunun qələbəsi isə 2.26 kimi dəyərləndirilib.
"Xəzər Lənkəran" isə klublarımızdan ən az əmsal alandı. Bellə ki, "Ta Qalin" arenasında baş tutacaq oyunda "ağ-yaşıllar"ın qələbəsi 1.50, meydan sahibi komandanın isə 6.10-du. Ümumi heç-heçəyə isə 4.40 "kofiçent" verilib.
Avroliqanın I təsnifat mərhələsinin ilk oyununu Bakıda keçirəcək paytaxtın "İnter" klubunun qələbəsi 1.60-dısa, "Mariheamn"ın qələbəsi isə 5.50 kimi dəyərləndirilir. Qarşılaşmanın sülhlə bitəcəyinə əmin olanlar isə 4.00 əmsalına pul qoyuluşu edə bilərlər.
