DÇ-2018-in seçmə mərhələsi çərçivəsində Çiliyə qarşı oynanılan matçda hakimi söyən Argentinanın ulduz futbolçusu Lionel Messiyə “Barselona”nın baş məşqçisi Luis Enrikedən dəstək gəlib.
Korner.az-ın məlumatına görə, Messi haqda danışan təcrübəli mütəxəssis:
“Messi qüsursuz davranışlar sərgiləyən bir futbolçudu. O, bu mövsüm bütün turnirlər daxil olmaqla yalnızca 7 dəfə sarı vərəqə ilə cəzalandırılıb. Hakimlərə qarşı çox sayğılıdı. Mən Messinin bunu etdiyinə inanmıram”.
Xatırladaq ki, Argentinanın 1-0 hesabı ilə qalib gəldiyi həmin matçda Messinin yan xətt hakimini söydüyü iddia edilib və hakim hesabatından sonra ulduz futbolçuya 4 oyunluq cəza verilib. Verilən cəzaya görə, hücumçu Boliviya ilə matçda iştirak edə bilməyib və həmin oyunda Argentina 2-0 hesabı ilə məğlub olub. Həmçinin Lionel DÇ-2018-in seçmə mərhələsi çərçivəsində Uruqvay, Peru və Venesuelaya qarşı keçiriləcək matçlarda da iştirak edə bilməyəcək.
