Bundestimin baş məşqçisi Yoahim Löv "DÇ-2014"də qarşılaşacaqları Qana millisi ilə oyun haqda danışıb.
Korner.az-ın məlumatına görə, Löv Qana millisinin sonadək mübarizə aparacağını bildirib:
"Portuqaliyanın ardından Qananı da məğlub etməliyik. Yalnız bu halda pley-off-da oynamağı vaxtından əvvəl təmin edəcəyik. Ona görə arxayınlaşmaq olmaz. Bu çox təhlükəlidir və xoşagəlməz nəticələrə gətirib çıxara bilər. Qanaya gəldikdə onlar bizimlə oyuna final matçı kimi yanaşırlar. Düşünürəm ki, Qana sonadək mübarizə aparacaq".
