“Liverpul” Salaha daha bir əvəzləyici tapıb
10.10.2024 , 13:00
“Liverpul” müqaviləsi mövsümün sonunda başa çatacaq Məhəmməd Salahın yerinə alternativ axtarışa davam edir.
Korner.az xəbər verir ki, İngiltərə nəhənginin Frankfurt “Ayntraxt”ından Ömər Marmuçu izlədiyi iddia edilib.
Bundan başqa, “Liverpul” Marmuçla birlikdə “Borussiya Dortmund”da çıxış edən Kərim Adeyemi də yaxından izləyir.
“Liverpul”un Salahın varisi kimi Adeyemi nəzərdən keçirdiyi iddia edilib.
Xəbərdə qeyd olunub ki, Adeyemi ilə bir çox klublar maraqlanır, lakin 22 yaşlı futbolçunun tez-tez aldığı zədələr transferə mane ola bilər.
Nuri Şahinin rəhbərliyi altında “Borussiya Dortmund”da mövsümə yaxşı başlayan Adeyemi bu mövsüm 8 matçda 5 qol vurub, 5 məhsuldar ötürmə edib.
“Borussiya Dortmund” ilə müqaviləsi 2027-ci ilə qədər davam edən Adeyeminin hazırkı bazar dəyəri 28 milyon avro olaraq göstərilir.
