İtaliya yığmasının yeni baş məşqçisi Antonio Kontenin məvacibi məlum olub.
Korner.az-ın məlumatına görə, 45 yaşlı mütəxəssis çərşənbə axşamı Romada ictimaiyyətə təqdim ediləcək. Onunla 2 illik müqavilə imzalanacaq.
Kontenin illik məvacibi 4 milyon avro olacaq. Bunlardan 2 milyonunu federasiya , 2 milyonunu isə baş sponsor Puma ödəyəcək.
Bundan əlavə Avropa çempionatına yüksələcəyi halda Konteyə əlavə 1 milyon ödəniləcək.FİFA reytinqində 5 pillə irəlilədiyi halda əlavə 500 min , Avro-2016-nın finalına çıxacağı halda isə daha 500 min avro bonus olacaq.
Beləliklə də Konte bu məvaciblə yığma məşqçiləri arasında ən yüksək ödənişli 2-ci mütəxəssis olacaq. Ən yüksək məvacib isə 6,7 milyonla Fabio Kapellodadır.