Topaz Premyer Liqasının 18-ci turu çərçivəsində keçirilmiş "Qəbələ" – "İnter" matçının 86-cı dəqiqəsində meydan sahibi komandanın qapıçısı Kamran Ağayevlə rəqibin azarkeşləri arasında insident yaşanıb.
Korner.az-ın məlumatına görə, qolkiper onun ünvanına aşağılayıcı şüarlar səsləndirən fanatlarla söz davasına çıxıb.
Futbolçuların araya girməsi ilə münaqişə böyüməsə də, oyun bitdikdən sonra Ağayev əsəbi halda "İnter" fanatlarına ayrılmış tribunaya tərəf gedib. Bu dəfə də komanda yoldaşları söz davasının əlbəyaxa davaya çevrilməsinə imkan verməyib.
