İraq – Şam İslam Dövləti (İŞİD) adlandırılan təşkilat FİFA-ya hədə-qorxu gəlib.
Korner.az–ın məlumatına görə, İŞİD ali futbol qurumundan DÇ-2022-nin Qətərdə yox, başqa ölkədə keçirməyi tələb edib.
İŞİD əks təqdirdə dünya çempionatı zamanı Qətərə raketlə zərbələr endirəcəyi ilə bağlı FİFA-ya hədələr yağdırıb:
"İslam Xilafəti qurulub və dünya çempionatına ev sahibliyi edəcək Qətər dövləti yoxdur. Qətər artıq İslam dövlətinin bir parçasıdır. Orada müsəlmanların xəlifəsi və əmiri Əbu Bəkir Bağdadinin sözü keçir. Xəlifə boş oyun və əyləncələrin keçirilməsinə əsla icazə verməz. Buna görə də, FİFA-ya başqa ölkə tapmağı məsləhət görürük. İŞİD-in əlində “Skad” raketləri var. Bu raketlər rahatlıqla Qətərə çata bilər. Amerika da bunu bilir”.