Bu gün “Şəfa” stadionunun mətbuat konfransı
zalında “İnter” komandasının direktoru Natiq Məmmədov əvəzedici
heyətin məşqçi heyəti və futbolçularıyla görüş keçirdi.
Korner.az-ın məlumatına görə, mövsümün birinci hissəsini lider kimi başa vurması
münasibətilə komanda üzvlərini təbrik edən N.Məmmədov xüsusi vurğuladı ki, klub
rəhbərliyi əvəzedici heyətin uğurlarına sevinir və komandanın bundan sonra da
müvəffəqiyyətlə çıxış edəcəyinə inanır. Əvəzedici heyətin baş məşqçisi Rüstəm Əliyev
“Şəfa” stadionunda keçirilmiş təlim-məşq toplanışı barədə qısa
məlumat verdi və yaradılmış şəraitə görə klub rəhbərliyinə minnətdarlığını
bildirdi. Komanda rəhbərliyinin həmişə diqqət mərkəzində olduqlarını qeyd edən
R.Əliyev futbolçuların qarşıdakı oyunlarda da lider mövqelərini qoruyub
saxlamarı üçün mübarizə aparacaqlarına ümidvar olduğunu açıqladı.
Görüşdə digər cari məsələlər də müzakirə olundu.