İtaliya A Seriyasının II turu çərçivəsində öz meydanında "Roma"ya 1:3 hesabıyla uduzan "İnter"in baş məşqçisi Andrea Stramaççioni məğlubiyyəti şərh edib.
Korner.az xəbər verir ki, Avropa Liqasında "Neftçi"yə rəqib olacaq Milan təmsilçisinin çalışdırıcısı komandasının ilk yarıda yaxşı oynadığını, son 20 dəqiqədə üstünlüyü rəqibə verdiklərini etiraf edib.
"Son 20 dəqiqədə gücümüz tükəndi. Ancaq həyəcanlanmağa dəyməz. Çatışmazlıqlarımızı bilir və üzərində işləyirik. Mənə elə gəlir ki, ötən cümə axşamından daha yaxşı oynadıq (Avropa Liqasının pley-off mərhələsi çərçivəsində doğma meydanda Rumıniya "Vasluy"u ilə keçirilən və 2:2 hesabıyla bitən görüşü nəzərdə tutur)".
