Bu gün "İnter" futbol komandasının kollektivi Qurban Bayramını uşaqlarla birlikdə qeyd etdi.
Korner.az-ın məlumatına görə, komandanın nümayəndələri Azərbaycan Respublikası Səhiyyə Nazirliyi Bakı şəhərinin Sabunçu rayonunda yerləşən 37 nömrəli Kardiorevmotoloji Məktəbəqədər Uşaq Sanatoriyasına baş çəkərək uşaqlara bayram sovqatı apardılar.
"İnter" komandasının idman direktoru Natiq Məmmədov uşaqları bayram münasibətilə təbrik etdi, klub rəhbərliyinin salamlarını və arzularını çatdırdı.
Sonra uşaqlara hədiyyələr təqdim edildi. Şənlikdə iştirak edən şən klounların çıxışları da balacaların lap ürəyincə olub.
