Almaniyanın “SportBild” nəşrinin “İnter”-“Arminiya” görüşü zamanı hakimlərin oyun alğı-satqısında iştirak etdiyini yazdığını xəbər vermişdik.
Korner.az-a bu barədə açıqlama verən “İnter” klubun Mətbuat Xidmətinin rəhbəri Səbuhi Məmmədovun sözlərinə “Bankirlər” həmin oyunda qaydalar çərçivəsində iştirak eləyib:
“Biz sadəcə
yoxlama oyunu keçirmişik. Bizim klub həmişə
fair play qaydaları çərçivəsində mübarizə aparıb. Həmin oyunda da
“İnter” qaydalar çərçivəsində oynayıb. Bizim klubun adının belə
işlərdə hallandırılmasını yolverilməz sayırıq”.
Klub rəsmisi öz açıqlamasında həmçinin Almaniya nəşrini məhkəməyə verib-verməyəcəkləri barəsində fikirlərini bildirib:
“Məhkəmə
məsələsi barədə konkret heç nə deyə bilmərəm. Bu barədə rəhbərlik qərar verə
bilər. Ancaq onu deyə bilərəm ki, toplanış çərçivəsində yoxlama oyunlarını biz
təşkil etmirik. Hakimləri də biz tapmırıq”.