Məşhur ingilis alimi Stepan Havkin İngiltərənin Dünya Çempionatını qazanmasının düsturunu açıqlayıb.
Korner.az-ın məlumatına görə, İngiltərənin 1966-cı ildən bəri oyunlarını analiz edən Havkin çempionluq üçün iki şərtin vacib olduğunu bildirib.
Şərtlər Braziliyada havanın soyuq olması və İngiltərə millisinin matçlara mütləq qırmızı forma ilə çıxmasıdır.
Mütəxəssis komandanın illərdir istifadə etdiyi 4-4-2 sisteminin düzgün olmadığını, 4-3-3 sistemiylə daha da uğurlu olacağını deyib.
Havkinin sözlərinə görə, İngiltərə yığmasında penaltiləri saçı tökülən və yaxud saçı heç olmayan futbolçular yerinə yetirməlidir. Əks halda, penaltilərin qol olma şansı çox aşağıdır. Alimin sözlərinə görə, futbolçu penalti zamanı topu vurmamışdan əvvəl 4 və ya daha çox addım atmalı və topu sağ, yaxud da sol üst küncə doğru vurmalıdır.
Stepan Havkin İngiltərənin bütün bunlara əməl edəcəyi təqdirdə Dünya Çempionatının qalibi olacağını düşünür.
