“Hələ ki, "Kəpəz"in mövqeyi ürəkaçan deyil. Amma məşqlərimizi böyük istəklə davam etdiririk. Qarşıdakı bütün oyunlara 3 xal istəyi ilə çıxıb vəziyyəti düzəltməyə çalışacağıq. İnanın ki, durumumuz ilk növbədə komandada olanları narahat edir”.
Korner.az-ın məlumatına görə, bu sözləri "Kəpəz"in futbolçusu Armand Feutçini komandanın hazırkı durumu ilə bağlı klubun rəsmi saytına danışarkən deyib.
Armand zədəsi ilə bağlı bunları deyib:
“Zədəm düzəlməyə doğru gedir. Həkimlər sağ olsunlar, yaxından kömək edirlər. Ciddi problem yoxdur. Artıq yaxşıyam demək olar".
