“İmkanım olsa, Rusiya millisinin bütün futbolçularını Azərbaycan yığmasına götürərdim. Ancaq bu, mümkünsüzdü”.
Korner.az-ın məlumatına görə, bu sözləri millimizin çalışdırıcısı Berti Foqts Moskvada keçirilən mətbuat konfransında deyib.
Berti bildirib ki, hazırda gənc futbolçuların oynadığı komandaya rəhbərlik edir: “Gənclər get-gedə artırırlar. Mən rəqib komandadan kimisə fərqləndirmək istəməzdim. Avropa çempionu olanda da kimisə fərqləndirməmişdim. Əsas olan odu ki, futbolçu komanda üçün əlindən gələni etsin”.
Alman çalışdırıcı millimizin hər tsikldə bir komandanı “qıcıqlandırdığını” dilə gətirib. Onun sözlərinə görə, yığmamız çətin qrupa düşüb: “Məsələn, DÇ-2010-da Rusiya yığmasıyla heç-heçə etmişdik. Biz bu tsilkdə qrupda 3-cü yeri tutmaq istəyirik. Əgər mümkün olsa, final mərhələsinə də göz dikə bilərik. Hər halda, az da olsa, şansımız var”.
