Azərbaycan millisinin baş məşqçisi Berti Foqts Rusiya ilə oyunöncəsi fikirlərini bildirib.
Korner.az-ın “Sport-Ekspress”ə istinadən məlumatına görə, alman çalışdırıcı Rusiya yığmasının dünyanın ən yaxşı komandalarının siyahısına daxil etdiyini deyib.
“Rusiya millisi Fabio Kapellonun rəhbərliyi altında irəliyə doğru hiss ediləcək addım atıb. Ruslar istənilən rəqibə qarşı ağıllı oyun göstərirlər. Məncə, Rusiya yığması dünyanın ən yaxşı komandalarındandı. Hiddink və Advokatın dövründəki holland futbolu ilə Kapellonun oyun fəlsəfəsini fərqləndirmək lazımdı. Kapellonun sələflərinin dövründə komanda daha hücumameyilli təsir bağışlayırdı. İtaliyalı həmkarım isə daha çox taktikaya və intizamlı oyuna üstünlük verir. Rusiya millisinin hazırkı oyunçularından heç kim xaricdə oynamır. Bununla belə, komanda yaxşı nəticələr qazanır. İstənilən halda, Hiddink və Advokatın komandaya qatqılarını unutmaq olmaz. Hiddinkin vaxtında komandanın oyunu zövq verirdi. İndi isə ruslar intizamlı və taktikalı oyun göstərirlər. Müasir futbolda bu, çox vacibdi”, – deyə Berti bildirib.