“İmarət” Fan Klubunun idarə heyətinin üzvü Qazax Nağı Avropa Liqasının ikinci təsnifat mərhələsinin “Qarabağ” – “Pyast” oyunu öncəsi azarkeşlərə çağırış edib.
Korner.az-ın məlumatına görə, Ağdam təmsilçisinin sadiq azarkeşi “Qarabağ” sevərləri stadiona səsləyib “Bu qarşılaşma kifayət qədər önəmlidir. Azarkeş faktoru bu oyunda xüsusi rol oynamalıdır. Çünki “Qarabağ” Polşada kifayət qədər çılğın azarkeşlər qaşısında mübarizə aparacaq. Bunu nəzərə alaraq biz Bakıda həm meydançada, həm də tribunalarda rəqibin cavabını verməliyik. Hər kəsi stadiona dəvət edirik. Ağdam klubu Avropada həmişə dolu tribunalar önündə oynayıb. Bu dəfəki oyunda istisna olmasını istəmirik. Ağdamlıların qazanacağı zəfərdə azacıq payının olmasını istəyən hər bir azarkeşin tribunalarda yer almasını istərdik”