PSJ-nin isveçli hücumçusu Zlatan İbrahimoviç cəzalandırılıb.
Korner.az-ın məlumatına görə, Fransa Futbol Federasiyası 34 yaşlı futbolçunu 4 oyunluq diskvalifikasiya edib.
Buna İbrahimoviçin Liqa-1-in XXIX turu çərçivəsində “Bordo” ilə matçdan sonra verdiyi açıqlamalar səbəb olub. Təcrübəli forvard hakimliyi kəskin tənqid etməklə yanaşı, Fransa çempionatının PSJ-nin səviyyəsinə layiq olmadığını bildirmişdi.
Onun bu fikri ölkənin futbol ictimaiyyəti tərəfindən pis qarşılanmışdı. İbrahimoviç sonradan açıqlamasının səhv başa düşüldüyünü desə də, federasiya onu cəzalandırmaq fikrindən daşınmayıb.
Qeyd edək ki, İbrahimoviç Çempionlar Liqasında da cəzalı duruma düşüb. O, ¼ finalda “Barselona” ilə keçiriləcək ilk oyunu buraxacaq.
