“Xəzər Lənkəran”ın makedoniyalı legioneri Nikola Qliqorovun komandadan göndəriləcəyi barədə mətbuatda xəbərlər yayılıb.
Korner.az saytı bu barədə klubun mətbuat xidmətinin rəhbəri Hüseyn Cəbrayıloğlunun fikirlərini öyrənib. O, Con Toşakın belə bir düşəncədə olmadığını deyilənlərin əsassız olduğunu qeyd edib.
Hüseyn Cəbrayıloğlu fikirlərini belə ifadə edib: “Qliqorovun transferə çıxarılacağı xəbəri yalandır. İlin günün bu vaxtında heç bir məşqçi futbolçusunu qış transfer pəncərəsi zamanı komandadan uzaqlaşdırılacağını deməz və ya düşünməz. Çünki, qış transfer pəncərəsinə qədər hələ çox vaxt var və kimin hansı performansı göstərəcəyini bilmək olmaz. Adıçəkilən futbolçudan məşqçilər korpusu narazı deyil. Belə olduğu halda bu yalan informasiya haradan qaynaqlanır bilmirəm. Nikola Qliqorov mütəmadi olaraq Makedoniya yığmasına çağırılır və hal-hazırda da milli komandasının düşərgəsindədir. Deməli onun komandadan gedəcyi xəbərini əsassız saymaq lazımdır”.