Hollandiya milisinin kapitanı Mark van Bommel yığma karyerasını başa vurub. Korner.az-ın məlumatına görə, bu barədə xəbər Hollandiya Futbol Federasiyasının rəsmi saytında yerləşdirilib. 35 yaşlı yarımmüdafiəçi milini birdəfəlik tərk etmədiyini vurğulayıb. Van Bommel bildiririb ki, baş məşqçi onu komandaya çağırmağı qərara alsa, daha bir neçə oyun keçirməyə hazırdır.
Qeyd edək ki, Mark van Bommel 2011-2012-ci il mövsümündə İtaliya “Milan”ında çıxış edib. Bundan sonra təcrübəli futbolçu Hollandiya PSV-si ilə 1 illik müqavilə bağlayıb. O, yığmada 79 oyuna 10 qol vurub, 2010-cu il dünya çempionatının gümüş mükafatçısı olub. Lakin 2012-ci il Avropa çempionatında Hollandiya yığması qrupda keçirdiyi hər üç görüşü məğlubiyyətlə başa vuraraq, mübarizəni dayandırıb. Daha öncə Ukrayna yığmasının kapitanı Andrey Şevçenko da milli komanda karyerasını başa vurduğunu açıqlayıb.
![](https://korner.az/wp-content/uploads/2018/06/korner-logo.png)