Antalyada baş tutan "Neftçi" – "Hançjou" yoxlama matçından (4:4) sonra Çin klubunun baş məşqçisi oyunla bağlı fikirlərini bildirib.
Korner.az-ın məlumatına görə, “Neftçi”nin saytına açıqlamasında 2010-cu ildə keçirilmiş dünya çempionatında Yaponiya millisini 1/16 final mərhələsinə qədər daşımaqla tanınan Takeşi Okada bunları deyib:
"Bütün futbolçuları sınamaq üçün üç hissəli matç oynadıq. Bu görüşdən əvvəl rəqib haqqında maraqlanmışdım və bilirdim ki, çempion olmaqla yanaşı, bu mövsüm Avropa Liqasının qrup mərhələsində oynayıblar. İlk hissədə komandamız pis təsir bağışlamadı, amma getdikcə təşəbbüsü əldən verdik. Hiss olunurdu ki, rəqib fiziki cəhətdən daha hazırlıqlı idi. Bir sıra çatışmayan cəhətlərimizi gördük. Bunları aradan qaldırmağa çalışacağıq".
