Bu gün Topaz Premyer Liqasının ilk turunun III oyunu keçirilib. Zirə İdman Kompleksində meydan sahibi “Zirə” “Səbail”i qonaq edib.
Qolla başlayan oyunda sevinən tərəf “Zirə” olub. Matçın yekun hesabı – 2:1.
Oyundan sonra keçirilən mətbuat konfransında “Zirə”nin baş məşqçisi Ayxan Abbasov jurnalistlərin suallarını cavablandırıb:
“Birinci oyun ağır keçir. Bu həftədə buna görə hazırlaşmışıq. Rəqib xoşumuza gəldi. Qısa müddətə yaxşı komanda yığıblar. İlk dəqiqələrdə qol vurmaq istəyirdik, bu da oldu. Hesab böyük də ola bilərdi. Lakin yenə səhvlər oldu. Bəzi yanlış qərarlar verdilər. Əsas qələbə idi və buna da nail olduq”
– Müdafiədə “Zirə” inamsız oynadı. Bunun səbəbi nədi?
– Eyni sözləri mən də futbolçulara dedim. Ötən il ən az qol epizodu verən komanda idik. Bu amil məni də narahat etdi. Ümumi o barədə futbolçularla danışacağıq.
– Penalti epizodunda anlaşılmazlıq oldu…
– Bu futbolda olur. Hücumçularda paxıllıq var. Qadze fərqlənə bilmədi. Sonra da üzr istədi. Biz belə şeylərə sərtik. Meydanda belə şeylər olur.
