İngiltərə Futbol Assosiasiyasının prezidenti, Kembric hersoqu Uilyam ölkə futbolu tarixində ilkə imza atıb.
Korner.az-ın Britaniya mətbuatına istinadən məlumatına görə, Assosiasiya başqanı Həvəskarlar liqasının "Sivil Servis" – "Politeknik" matçının "Bukingem" sarayının ərazisində keçirilməsinə dair əmr imzalayıb.
İngiltərə Futbol Assosiasiyasının yaradılmasının 150 illiyi çərçivəsində təşkil olunan tədbirlər siyahısına salınan oyunun bu ərazidə keçirilməsinə Britaniya kraliçası da razılıq verib.
Qeyd edək ki, "Sivil Servis" İngiltərə Futbol Assosiasiyasını təsis edən klublardandı və bugünədək fəaliyyət göstərir.
