"Heç bir təxribatdan söhbət gedə bilməz. O fotoqraf tam təsadüf nəticəsində yaxalayıb o şəkli. Orxan təhqirlərə məruz qalırdı düzdü. Amma o təhqirlərdən 10 qat artığına Lənkəranda Mahir məruz qalıb. Onlar özləri Lənkərandakı oyunda Mahiri "güdmək" üçün fotoqraf tutmuşdular. Amma biz elə etməmişik. Biz oyundan sonra Mahirin o hərəkətinin səhv olduğunu dedik. Daha o hərəkətə bəraət qazandırıb, günahı başqasında axtarmadıq. Bu yenə də deyirəm təsadüf nəticəsində olub. Amma onlar sırf Mahiri izləməsi üçün Lənkərandakı oyunda xüsusi fotoqraf tutmuşdular".
Korner.az-a açıqlamasında bu fikirləri "Neftçi"nin mətbuat xidmətinin rəhbəri Gündüz Abbaszadə deyib.
Qeyd edək onun "Xəzər Lənkəran"dakı həmkarı Hüseyn Cəbrayıloğlu mətbuata açıqlamasında bildirmişdi ki, Orxanın "orta barmaq" göstərməsi üçün onu təxribata sürükləyibər və onu oyunda izləməsi üçün xüsusi fotoqraf tutublar.
